English  |

                   સાથે મળી સહયોગ સાધીએ
                                 સાથે મળી કામ કરીએ

 

 
 
  
હોમ | મારા ગામમાં | સ્વચ્છતાની વ્યવસ્થા
પ્રિન્ટ  કરો ઈ-મેઈલ કરો
જાણીએ સ્વચ્છતાનાં સાત પગલાં
 
 

આ વિભાગમાં...
ગામમાં સ્વચ્છતાની કેવી સુવિધાઓ વિકસાવી શકાય?

ગામમાં કેવી સફાઈ વ્યવસ્થા ગોઠવી શકાય?
શોષખાડા કેવી રીતે બનાવીશું?
શાળામાં સ્વચ્છતા સંકુલ શા માટે?
ઘરમાં શૌચાલય શા માટે?

શૌચાલયની દેખરેખ કેમ રાખીશું ?
શૌચાલય વિશેની ગેરસમજો / બહાનાં અને હકીકતો
શૌચાલય માટે માલસામાન અને અંદાજે કિંમત

જાણીએ સ્વચ્છતાનાં સાત પગલાં
રોગચાળાથી બચવાના ઉપાયો

1. પીવાનું પાણી સ્વચ્છ રાખીએ

  •  પાણી ભરવાનાં વાસણો, માટલાં અને પાણિયારું સાફ રાખીએ.

  •  પીવાનું પાણી સ્વચ્છ કપડાથી ગાળીને ભરીએ. ડોયો વાપરીએ.

  •  પીવાના પાણીનાં માટલાં, વાસણો ચા સ્થાને રાખીએ જેથી નાનાં બાળકો કે પશુ-પક્ષી ગંદુ ના કરે.

  •  પાણી ઉકાળીને કે કલોરિનની દવા નાખીને પીએ.

ર. અંગત સ્વચ્છતા જાળવીએ

  • નિયમિત સ્નાન કરીએ અને સ્વચ્છ (ધોયેલાં) કપડાં પહેરીએ.

  • હાથના નખ તથા માથાના વાળ સ્વચ્છ/કાપેલાં રાખીએ.

  • જમતાં પહેલાં અને સંડાસ પછી હાથ ધોવાની ટેવ પા઼ડીએ.

  • નિયમિત દાંતણ/ બ્રશ કરીએ. દાંત સાફ રાખીએ.

3. ઘર સ્વચ્છ રાખીએ

  • રહેવાના ઘરને દરરોજ સાફ રાખીએ.

  • ઘરમાં હવા-ઉજાસ રહે તેવી વ્યવસ્થા કરીએ.

  • ઘરની આજુબાજુની જગ્યા અને આંગણું સાફ રાખીએ.

  • મચ્છરથી બચવા મચ્છરદાની કે ઘૂપનો ઉપયોગ કરીએ.

4. ગંદા પાણીનો નિકાલ કરીએ

  • ગંદા પાણીના નિકાલ માટે શોષખાડા કે નીક બનાવીએ.

  • વપરાયેલું પાણી શકય હોય ત્યાં ફરી ઉપયોગમાં લઈએ. ઘર વપરાશનું પાણી ઝાડ, છોડ કે બાગ કે ખેતીમાં વાપરીએ.

  • ઘરની આજુબાજુ કે ગામમાં પાણીના રેલા કે ખાબોચિયાં ના થવા દઈએ. મચ્છર ખાબોચિયાંમાં પેદા થાય છે. કૂવા, બોર કે નળની આજુબાજુ ગંદુ પાણી જમા ના થવા દઈએ.

પ. મળ-મૂત્રનો નિકાલ કરીએ

  • ખુલ્લામાં સંડાસ ના કરતાં શૌચાલયનો ઉપયોગ કરીએ.

  • ખુલ્લામાં સંડાસ જવું પડે તો રહેણાક વિસ્તારથી દૂર જઈએ.

  • ખુલ્લામાં મળત્યાગ કરીએ ત્યારે તેના ઉપર માટી નાખી દઈએ જેથી માખી ફેલાય નહીં.

  • બાળકોના મળનો પણ યોગ્ય નિકાલ કરીએ.

6. કચરાનો નિકાલ કરીએ

  • ઘર તથા આંગણાના કચરાનો યોગ્ય નિકાલ કરીએ.

  • કચરો બાળવો નહિ પણ કમ્પોસ્ટ કરી ખાતર બનાવીએ.

  • રેતી, કાંકરાનો કચરો જમીનપુરાણ માટે વાપરી શકાય.

  • ઢોરના મળ-મૂત્રનો યોગ્ય નિકાલ કરીએ, ઉકરડા ઘરથી દુર રાખીએ.

7. ખોરાકની કાળજી લઈએ

  • તાજો રાંધેલો અથવા ગરમ ખોરાક જમીએ.

  • રાંધેલો ખોરાક ઢાંકી રાખીએ જેથી માખી બેસી ગંદો કરે નહીં.

  • રસોડું અને રસોઈનાં વાસણો સ્વચ્છ રાખીએ તથા રસોઈ કરતાં પહેલાં હાથ અવશ્ય ધોઈએ.

  • વાસી, ખુલ્લો કે બજારુ ખોરાક ખાવાનું ટાળીએ.